«Байер»нинг чап қанот ҳимоячиси Алехандро Гримальдо Леверкузенни тарк этмоқчи. Бу ҳақда инсайдер Николо Скира хабар бермоқда.

Манбанинг маълумотларига кўра, 30 ёшли испаниялик футболчи шу ёзда ватанига қайтишни истамоқда. Таъкидланишича, ўйинчи Мадриднинг «Атлетико» клубидан аниқ таклиф олиб улгурган. «Матрасчилар» Гримальдо билан яна бир йилга узайтириш имконияти билан 2029 йилгача мўлжалланган шартнома имзолашга тайёр.

2025/26 йилги мавсумда Гримальдо барча турнирларда 46 та ўйинда майдонга тушиб, 14 та гол урди ва ўз ҳисобига 12 та голли узатмани ёзиб қўйди.