«Bavariya», shuningdek, Germaniya, AQSH va Janubiy Koreya terma jamoalari sobiq murabbiyi Yurgen Klinsmann 2026 yilgi Jahon chempionati favoritini oshkor qildi.
«Ispaniya — turnir favoriti, ammo Anchelotti Braziliyani chempion qiladi», — deya Klinsmannning so‘zlarini «The Touchline» ijtimoiy tarmoqlardagi sahifasida keltirmoqda.
Braziliya terma jamoasi turnirning 1-turida Marokash bilan 1:1 hisobida durang o‘ynadi. Keyingi bahsda braziliyaliklar Gaiti milliy jamoasi bilan to‘qnashishadi. Uchrashuv 20 iyunga o‘tar kechasi bo‘lib o‘tadi. Shuningdek, Braziliya jamoasi guruh bosqichi doirasida Shotlandiyaga qarshi ham maydonga tushadi.
Jahon chempionatida Ispaniya terma jamoasi «H» guruhida ishtirok etadi va u yerda Kabo-Verde, Saudiya Arabistoni hamda Urugvay jamoalari bilan kuch sinashadi. Mazkur musobaqa AQSH, Kanada va Meksika maydonlarida 11 iyundan 19 iyulgacha bo‘lib o‘tadi.
