«Бавария», шунингдек, Германия, АҚШ ва Жанубий Корея терма жамоалари собиқ мураббийи Юрген Клинсманн 2026 йилги Жаҳон чемпионати фаворитини ошкор қилди.
«Испания — турнир фаворити, аммо Анчелотти Бразилияни чемпион қилади», — дея Клинсманннинг сўзларини «Тhe Touchline» ижтимоий тармоқлардаги саҳифасида келтирмоқда.
Бразилия терма жамоаси турнирнинг 1-турида Марокаш билан 1:1 ҳисобида дуранг ўйнади. Кейинги баҳсда бразилияликлар Гаити миллий жамоаси билан тўқнашишади. Учрашув 20 июнга ўтар кечаси бўлиб ўтади. Шунингдек, Бразилия жамоаси гуруҳ босқичи доирасида Шотландияга қарши ҳам майдонга тушади.
Жаҳон чемпионатида Испания терма жамоаси «H» гуруҳида иштирок этади ва у ерда Кабо-Верде, Саудия Арабистони ҳамда Уругвай жамоалари билан куч синашади. Мазкур мусобақа АҚШ, Канада ва Мексика майдонларида 11 июндан 19 июлгача бўлиб ўтади.
