Ispaniya terma jamoasi bosh murabbiyi Luis de la Fuente milliy jamoa yarim himoyachisi Lamin Yamal a’lo darajadagi sport formasida ekanligini va ispanlarning 2026 yilgi Jahon chempionatidagi ilk o‘yinida maydonga tushishi mumkinligini aytdi.
18 yoshli vinger 22 aprel kuni La Liganing 33-turidan o‘rin olgan «Selta»ga qarshi o‘yinda (1:0) jarohat olgan edi. U 11 iyun kuni Ispaniya terma jamoasining umumiy guruh mashg‘ulotlariga qo‘shildi.
«Barcha futbolchilar yaxshi holatda, ayniqsa Lamin. Uni ikkinchi bo‘limda maydonga tushirishni rejalashtiryapmanmi? Buni o‘zim hal qilishimga qo‘yib bering. Lamin benuqson sport formasida va aynan biz xohlagan vaqtda yetib keldi. Hozirning o‘zidayoq ayta olamanki, barcha futbolchilar o‘yinga tayyor. Kimdir, balki, butun uchrashuvni o‘tkaza olmas, lekin men alohida ta’kidlashni istardim: eng yaxshi yangilik — barcha futbolchilar safda», — deya murabbiyning so‘zlarini keltiradi AS nashri.
Ispaniya terma jamoasi 15 iyun kuni Jahon chempionati doirasida Kabo-Verdega qarshi maydonga tushadi. Ispanlar 21 iyun kuni Saudiya Arabistoni bilan, 27 iyun kuni esa Urugvay bilan kuch sinashishadi.
