Luka Modrich navbatdagi Jahon chempionatida ishtirok etmoqda. Xorvatiyalik faxriy futbolchi tarkibi asta-sekin yangilanayotgan va o‘z bag‘riga yangi o‘yinchilarni qabul qilayotgan jamoaga uning borligi nima berishi haqida so‘zlab berdi.
«Men toza va ijobiy muhit yaratishni yaxshi ko‘raman. Xotirjamlik va pozitiv kayfiyat — futbolchilarga mana shu narsalarni yetkazishga harakat qilaman. Maydonda bir-biriga yordam berish ishtiyoqi, mana shu unsurlar juda muhim», — deya xorvatiyalik futbolchining so‘zlaridan iqtibos keltirmoqda derbyderbyderby.it.
Eslatib o‘tamiz, Modrich ilk bor 2006 yilgi Jahon chempionatida maydonga tushgan edi. 2018 yilda esa u Xorvatiya terma jamoasi bilan birgalikda Rossiyada bo‘lib o‘tgan turnirning finaliga qadar yetib borgan.
