Лука Модрич навбатдаги Жаҳон чемпионатида иштирок этмоқда. Хорватиялик фахрий футболчи таркиби аста-секин янгиланаётган ва ўз бағрига янги ўйинчиларни қабул қилаётган жамоага унинг борлиги нима бериши ҳақида сўзлаб берди.
«Мен тоза ва ижобий муҳит яратишни яхши кўраман. Хотиржамлик ва позитив кайфият — футболчиларга мана шу нарсаларни етказишга ҳаракат қиламан. Майдонда бир-бирига ёрдам бериш иштиёқи, мана шу унсурлар жуда муҳим», — дея хорватиялик футболчининг сўзларидан иқтибос келтирмоқда derbyderbyderby.it.
Эслатиб ўтамиз, Модрич илк бор 2006 йилги Жаҳон чемпионатида майдонга тушган эди. 2018 йилда эса у Хорватия терма жамоаси билан биргаликда Россияда бўлиб ўтган турнирнинг финалига қадар етиб борган.
