«Lill» klubining marokashlik yarim himoyachisi Ayub Buaddi faoliyatini «PSJ»da davom ettirmoqchi. Bu haqda ParisTeam nashri xabar bermoqda.
Manbaning ta’kidlashicha, futbolchi shu yozda Fransiya chempioni safiga qo‘shilmoqchi ekanligini aniq bildirgan. Tomonlar bir necha haftadan beri muzokaralar olib borishmoqda. Biroq bo‘lajak kelishuvning tafsilotlari hozircha ma’lum emas.
2025/26 yilgi mavsumda Buaddi barcha turnirlarni hisobga olgan holda 42 ta o‘yinda maydonga tushdi va bitta golli uzatmani amalga oshirdi.
Yarim himoyachining «Lill» bilan shartnomasi 2029 yilning o‘rtalariga qadar mo‘ljallangan. Nufuzli Transfermarkt internet portali mutaxassislari futbolchini 50 million yevroga baholamoqda.
