«Лилль» клубининг марокашлик ярим ҳимоячиси Аюб Буадди фаолиятини «ПСЖ»да давом эттирмоқчи. Бу ҳақда ParisTeam нашри хабар бермоқда.
Манбанинг таъкидлашича, футболчи шу ёзда Франция чемпиони сафига қўшилмоқчи эканлигини аниқ билдирган. Томонлар бир неча ҳафтадан бери музокаралар олиб боришмоқда. Бироқ бўлажак келишувнинг тафсилотлари ҳозирча маълум эмас.
2025/26 йилги мавсумда Буадди барча турнирларни ҳисобга олган ҳолда 42 та ўйинда майдонга тушди ва битта голли узатмани амалга оширди.
Ярим ҳимоячининг «Лилль» билан шартномаси 2029 йилнинг ўрталарига қадар мўлжалланган. Нуфузли Transfermarkt интернет портали мутахассислари футболчини 50 миллион еврога баҳоламоқда.













