«Manchester Yunayted» yana bir bor «Barselona» yarim himoyachisi Mark Kasadoga e’tibor qaratmoqda.

Mundo Deportivo nashrining xabar berishicha, 22 yoshli xavbek Maykl Karrik keyingi mavsum uchun bosh murabbiy etib tasdiqlanganidan so‘ng, yana «qizil iblislar»ning qiziqishlar doirasiga tushib qolgan. Shu bilan birga, Angliya klubi hozircha kataloniyaliklarga rasmiy taklif yubormagani ta’kidlanmoqda.

Avvalroq, «Barselona» Kasadoni ma’lum bir summa evaziga sotishga tayyor ekanligi haqida ma’lumotlar paydo bo‘lgan edi. Shuningdek, yarim himoyachining o‘zi boshqa bir Ispaniya klubida o‘ynashni istayotgani aytilgandi.

Yakunlangan mavsumda Kasado barcha musobaqalarda jami 34 ta uchrashuvda maydonga tushib, o‘z hisobiga 1 ta golli uzatmani yozdirib qo‘ydi.