«Манчестер Юнайтед» яна бир бор «Барселона» ярим ҳимоячиси Марк Касадога эътибор қаратмоқда.

Mundo Deportivo нашрининг хабар беришича, 22 ёшли хавбек Майкл Каррик кейинги мавсум учун бош мураббий этиб тасдиқланганидан сўнг, яна «қизил иблислар»нинг қизиқишлар доирасига тушиб қолган. Шу билан бирга, Англия клуби ҳозирча каталонияликларга расмий таклиф юбормагани таъкидланмоқда.

Аввалроқ, «Барселона» Касадони маълум бир сумма эвазига сотишга тайёр эканлиги ҳақида маълумотлар пайдо бўлган эди. Шунингдек, ярим ҳимоячининг ўзи бошқа бир Испания клубида ўйнашни истаётгани айтилганди.

Якунланган мавсумда Касадо барча мусобақаларда жами 34 та учрашувда майдонга тушиб, ўз ҳисобига 1 та голли узатмани ёздириб қўйди.