Fransiya terma jamoasi sobiq hujumchisi Tyerri Anri JCH-2026 1-turidan o‘rin olgan Ispaniya va Kabo-Verde (0:0) terma jamoalari o‘rtasidagi durang o‘yin haqida o‘z fikrlarini bildirdi.

O‘sha uchrashuvda 7 ta seyv amalga oshirgan 40 yoshli darvozabon Vozinya o‘yinning eng yaxshi futbolchisi deb topilgan edi.

«Keling, tan olaylik: agar Vozinya bo‘lmaganida, biz katta ehtimol bilan Ispaniyaning ishonchli g‘alabasi haqida gapirayotgan bo‘lardik. Gap bitta o‘yin ichida jahon chempionatining sensasiyasiga aylangan darvozabon haqida ketmoqda.

Odamlar futbol faqat to‘purarlar va superyulduzlar atrofida aylanadi deb o‘ylashadi. Ammo keyin mana shunday oqshom kirib keladi va 40 yoshli darvozabon jahon chempionatining bosh yangiligiga aylanadi. Vozinya shunchaki Ispaniyaning zarbalarini qaytarib qolmadi — u butun bir millatning g‘alabani nishonlashiga yo‘l qo‘ymadi. Uning har bir seyvi avvalgisidan ko‘ra muhimroq tuyuldi», — deya ta’kidladi fransuz.

Shu bilan birga, Anri Ispaniya terma jamoasi turnir davomida o‘z o‘yinini kuchaytirib borishiga ishonmoqda.