Франция терма жамоаси собиқ ҳужумчиси Тьерри Анри ЖЧ-2026 1-туридан ўрин олган Испания ва Кабо-Верде (0:0) терма жамоалари ўртасидаги дуранг ўйин ҳақида ўз фикрларини билдирди.

Ўша учрашувда 7 та сэйв амалга оширган 40 ёшли дарвозабон Возинья ўйиннинг энг яхши футболчиси деб топилган эди.

«Келинг, тан олайлик: агар Возинья бўлмаганида, биз катта эҳтимол билан Испаниянинг ишончли ғалабаси ҳақида гапираётган бўлардик. Гап битта ўйин ичида жаҳон чемпионатининг сенсациясига айланган дарвозабон ҳақида кетмоқда.

Одамлар футбол фақат тўпурарлар ва суперюлдузлар атрофида айланади деб ўйлашади. Аммо кейин мана шундай оқшом кириб келади ва 40 ёшли дарвозабон жаҳон чемпионатининг бош янгилигига айланади. Возинья шунчаки Испаниянинг зарбаларини қайтариб қолмади — у бутун бир миллатнинг ғалабани нишонлашига йўл қўймади. Унинг ҳар бир сэйви аввалгисидан кўра муҳимроқ туюлди», — дея таъкидлади француз.

Шу билан бирга, Анри Испания терма жамоаси турнир давомида ўз ўйинини кучайтириб боришига ишонмоқда.