Milanning «Inter» klubi yarim himoyachi Kyortis Djonsning transferi borasida «Liverpul» bilan muzokaralarni boshladi va ingliz klubiga ilk rasmiy taklifini yubordi. Bu haqda Football Italia nashri xabar bermoqda.
«Neradzurri» 25 yoshli xavbek uchun 20 million yevro to‘lashga tayyor. Biroq bu summa hozircha o‘z tarbiyalanuvchisini 30 million yevroga baholayotgan «Liverpul» rahbariyatini qoniqtirmayapti.
«Inter»ning Djonsga bo‘lgan qiziqishi yangilik emas. Milanliklar futbolchini shu yilning yanvar oyidayoq sotib olishga urinib ko‘rishgan edi, endi esa yangi mavsum boshlangunga qadar kelishuvni yakunlash umidida muzokaralarga qaytishdi. Ingliz yarim himoyachisining «Liverpul» bilan shartnomasi 2027 yilning iyunigacha amal qiladi, biroq futbolchining o‘zi, xabarlarga ko‘ra, Italiyaga ko‘chib o‘tish variantini inkor etmayapti.
«Inter» rahbariyati kelishuvga erishish uchun taklif qilinayotgan summani oshirishga to‘g‘ri kelishini tushunib turibdi. Klub yaqin kunlarda «Liverpul» bilan muzokaralarni davom ettirish niyatida.
