Qozog‘istonning "Astana" klubi o‘zbekistonlik qanot hujumchisi Asilbek Abdurasulov bilan hamkorlik yakunlanganini rasman e’lon qildi.
18 yoshli futbolchi joriy yilning aprel oyida "G‘azalkent" jamoasidan ijara asosida «Astana» safiga qo‘shilgan edi. U poytaxt klubi tarkibida jami 7 ta uchrashuvda maydonga tushdi. Shularning 5 tasi Qozog‘iston Premyer-ligasi doirasida bo‘lib, futbolchi samarali harakatlari bilan ajralib tura olmadi.
Klub matbuot xizmati quyidagi bayonotni e’lon qildi:
«Asilbekka klubimizda o‘tkazgan vaqti uchun minnatdorchilik bildiramiz va uning keyingi faoliyatiga omad tilaymiz».
Qayd etish joiz, Qozog‘iston Premyer-ligasi-2026 mavsumining 13 turidan so‘ng bosh murabbiy Grigoriy Babayan boshqarayotgan «Astana» 22 ochko jamg‘arib, musobaqa jadvalida to‘rtinchi o‘rinni egallab turibdi.













