O‘zbekiston milliy terma jamoasi bosh murabbiyi Fabio Kannavaro Kolumbiyaga qarshi kechgan jahon chempionatidagi debyut uchrashuvidan so‘ng o‘z fikrlari bilan o‘rtoqlashdi va jamoasining o‘yiniga baho berdi.

"Uchrashuv juda qiziqarli o‘tdi. Ayniqsa, ikkinchi bo‘limda biz o‘yinni o‘zgartirishga erisha oldik. Chap qanotni faollashtirgan holda qator xavfli vaziyatlar yaratdik va o‘yin nazoratini o‘z qo‘limizga olishga harakat qildik.

Avvalambor, biz O‘zbekistonni butun dunyoga ijobiy tomondan namoyish etish uchun bu yerga keldik. Men doim shogirdlarimga o‘yin davomida faol harakat qilish kerakligini uqtirib kelaman. To‘g‘ri, Kolumbiya singari yuqori darajadagi jamoalarga qarshi to‘psiz harakat qilish aslo oson emas. Umuman olganda, ikkinchi taymda yaxshi harakat qildik, biroq afsuski, yakunda gol o‘tkazib yubordik.

Nima bo‘lganda ham, biz ushbu stadionda o‘tgan uchrashuvni bir umr eslab qolamiz. Chunki bu mamlakatimiz uchun tarixiy o‘yindir. Biz Jahon chempionatidamiz va bugungi bahs biz uchun yaxshi tajriba bo‘ldi, deb ayta olaman. O‘yinda xatolar ham ko‘zga tashlandi, endi ular ustida jiddiy ishlaymiz", - dedi Kannavaro.