2026 yilgi Jahon chempionati guruh bosqichi 1-turidan o‘rin olgan uchrashuvda Kolumbiya terma jamoasi O‘zbekiston ustidan 3:1 hisobida g‘alaba qozondi. Ushbu natija haqida kolumbiyaliklar yarim himoyachisi Gustavo Puerta o‘z fikrlarini o‘rtoqlashdi.
«Murabbiy mendan hamisha maydonda agressiv harakat qilishni so‘raydi. Biz yarim himoyada juda ajoyib ishladik. Jahon chempionatidagi o‘yinda golli uzatma muallifiga aylanganimdan juda ham xursandman», — deya yarim himoyachining so‘zlarini keltirmoqda Xalqaro futbol federasiyasi (FIFA) matbuot xizmati.
Dastlabki uchrashuvdan so‘ng Kolumbiya 3 ochko jamg‘arib, o‘z guruhida peshqadamga aylanib oldi. Jamoa mundialdagi navbatdagi bahsini Portugaliyadan ochko tortib olishga muvaffaq bo‘lgan DR Kongo terma jamoasiga qarshi o‘tkazadi. Ushbu uchrashuv 24 iyun kuni bo‘lib o‘tadi.
