Fransiya terma jamoasi sobiq hujumchisi Olivye Jiruning hisoblashicha, Kilian Mbappe milliy jamoa safida ko‘plab rekordlarni yangilaydi.

JCH-2026ning Senegal terma jamoasiga qarshi kechgan birinchi o‘yinida (3:1) Mbappe Fransiya terma jamoasi uchun 57 va 58-gollarini urdi va Jiruning rekordini yangilab, terma jamoa tarixidagi eng yaxshi to‘purarga aylandi.

– Biz Messi jahon chempionatlari tarixidagi eng yaxshi to‘purarga aylanishi mumkin bo‘lgan ajoyib qarama-qarshilikni kuzatyapmiz. Sizningcha, Mbappe bu rekordni yangilaydimi?

– Hozir unda 14 ta gol bor — Kloze va Messidan ikkita kam, ammo u Messiga qaraganda yana bitta jahon chempionatida ko‘proq o‘ynaydi, chunki Messi keyingi turnirga bormasa kerak, deb o‘ylayman. Shu sababli, unda jahon chempionatlari tarixidagi eng yaxshi to‘purarga aylanish uchun ajoyib imkoniyat mavjud.

U baribir barcha rekordlarni yangilaydi, jumladan Ugo Lyorisning terma jamoadagi o‘yinlar soni bo‘yicha rekordini ham (Lyorisda 145 ta o‘yin, Mbappeda — 99). Lyoris Fransiya terma jamoasida rekordi boy beriladigan navbatdagi insondir, — dedi Jiru.