Ispaniya terma jamoasi jahon chempionati guruh bosqichi 2-turidan o‘rin olgan Saudiya Arabistoniga qarshi uchrashuvga tayyorgarlik ko‘rmoqda.

«Qizil furiya» turnirni Kabo-Verdega qarshi bahsdagi kutilmagan muvaffaqiyatsizlik (0:0) bilan boshlagan edi. O‘shanda ispanlarning hujumdagi chap qanotida nominal yarim himoyachi Gavi maydonga tushgandi. El Partidazo de COPE nashrining xabariga ko‘ra, Saudiya Arabistoni bilan uchrashuvda chap qanotdan katta ehtimol bilan «Barselona»ning boshqa bir vakili — Dani Olmo joy oladi. U ham aslida sof vinger hisoblanmaydi, shu sababli faqatgina qanotga bog‘lanib qolmasligi aniq.

Ispaniya va Saudiya Arabistoni terma jamoalari o‘rtasidagi to‘qnashuv 21 iyun kuni Toshkent vaqti bilan soat 21:00 da bo‘lib o‘tadi.