Испания терма жамоаси жаҳон чемпионати гуруҳ босқичи 2-туридан ўрин олган Саудия Арабистонига қарши учрашувга тайёргарлик кўрмоқда.

«Қизил фурия» турнирни Кабо-Вердега қарши баҳсдаги кутилмаган муваффақиятсизлик (0:0) билан бошлаган эди. Ўшанда испанларнинг ҳужумдаги чап қанотида номинал ярим ҳимоячи Гави майдонга тушганди. El Partidazo de COPE нашрининг хабарига кўра, Саудия Арабистони билан учрашувда чап қанотдан катта эҳтимол билан «Барселона»нинг бошқа бир вакили — Дани Ольмо жой олади. У ҳам аслида соф вингер ҳисобланмайди, шу сабабли фақатгина қанотга боғланиб қолмаслиги аниқ.

Испания ва Саудия Арабистони терма жамоалари ўртасидаги тўқнашув 21 июнь куни Тошкент вақти билан соат 21:00 да бўлиб ўтади.