Jahon chempionati doirasida bo‘lib o‘tgan AQSH — Avstraliya (2:0) uchrashuvida avstraliyaliklar himoyachisi Kemeron Berjess tomonidan urilgan avtogol turnirdagi yettinchi «o‘z darvozasini ishg‘ol etish» holati bo‘ldi.

Ushbu ko‘rsatkich bo‘yicha joriy musobaqa Fransiyada o‘tgan JCH–1998 dan o‘zib ketdi. O‘shanda turnir davomida jami 6 ta avtogol qayd etilgan edi.

Bu boradagi mutlaq rekord esa Rossiya mezbonlik qilgan JCH–2018 ga tegishli bo‘lib, o‘shanda 64 ta o‘yinda futbolchilar 12 bor o‘z darvozalarini ishg‘ol qilgan. Taqqoslash uchun, Qatarda o‘tgan so‘nggi Jahon chempionatida atigi 3 ta avtogol kuzatilgan edi.