«Real»ning ispaniyalik himoyachisi Fran Garsiya faoliyatini boshqa jamoada davom ettirishi mumkin. Bu haqda taniqli insayder Matteo Moretto xabar bermoqda.
Qayd etilishicha, futbolchi La Liganing boshqa bir vakili safiga borib qo‘shilishi mumkin. «Betis» klubi chap qanot himoya chizig‘ini kuchaytirish uchun Garsiyani o‘z short-listiga (nomzodlar ro‘yxatiga) kiritgan. Ayni damda ikkala klub o‘rtasida hali rasmiy kelishuvga erishilmagan.
Yakunlangan mavsumda Fran Garsiya «qaymoqranglilar» safida 23 ta uchrashuvda maydonga tushdi. Ushbu bahslarda himoyachi bitta gol urdi va bitta golli uzatmani amalga oshirdi. Futbolchi 2023 yilda «Real» tizimiga qaytgan edi.
