«Реал»нинг испаниялик ҳимоячиси Фран Гарсия фаолиятини бошқа жамоада давом эттириши мумкин. Бу ҳақда таниқли инсайдер Маттео Моретто хабар бермоқда.
Қайд этилишича, футболчи Ла Лиганинг бошқа бир вакили сафига бориб қўшилиши мумкин. «Бетис» клуби чап қанот ҳимоя чизиғини кучайтириш учун Гарсияни ўз шорт-листига (номзодлар рўйхатига) киритган. Айни дамда иккала клуб ўртасида ҳали расмий келишувга эришилмаган.
Якунланган мавсумда Фран Гарсия «қаймоқранглилар» сафида 23 та учрашувда майдонга тушди. Ушбу баҳсларда ҳимоячи битта гол урди ва битта голли узатмани амалга оширди. Футболчи 2023 йилда «Реал» тизимига қайтган эди.
