«Manchester Siti» va ispaniyalik yarim himoyachi Rodri Ernandes o‘rtasidagi shartnomani uzaytirish bo‘yicha muzokaralar to‘xtab qoldi. Bu haqda nufuzli insayder Fabrisio Romano xabar bermoqda.

Manbaning ta’kidlashicha, «shaharliklar» Rodriga yangi shartnomani bir necha oy oldin taklif qilishgan, biroq hozirgacha futbolchi bilan kelishuvga erisha olishmagan. Ayni damda jarayon muzlatib qo‘yilgan, ammo bir qarorga kelish uchun hali oldinda vaqt yetarli, chunki xavbekning amaldagi shartnomasi 2027 yilning iyun oyigacha mo‘ljallangan.

Rodri 2019 yildan buyon «Manchester Siti» sharafini himoya qilib kelmoqda. Yakunlangan mavsumda 29 yoshli futbolchi 33 ta o‘yinda maydonga tushib, o‘z hisobiga 2 ta gol yozdirib qo‘ydi.