«Манчестер Сити» ва испаниялик ярим ҳимоячи Родри Эрнандес ўртасидаги шартномани узайтириш бўйича музокаралар тўхтаб қолди. Бу ҳақда нуфузли инсайдер Фабрицио Романо хабар бермоқда.
Манбанинг таъкидлашича, «шаҳарликлар» Родрига янги шартномани бир неча ой олдин таклиф қилишган, бироқ ҳозиргача футболчи билан келишувга эриша олишмаган. Айни дамда жараён музлатиб қўйилган, аммо бир қарорга келиш учун ҳали олдинда вақт етарли, чунки хавбекнинг амалдаги шартномаси 2027 йилнинг июнь ойигача мўлжалланган.
Родри 2019 йилдан буён «Манчестер Сити» шарафини ҳимоя қилиб келмоқда. Якунланган мавсумда 29 ёшли футболчи 33 та ўйинда майдонга тушиб, ўз ҳисобига 2 та гол ёздириб қўйди.
