«Arsenal» «Aston Villa» va Angliya terma jamoasi yarim himoyachisi Morgan Rojersning transferini rasmiylashtirmoqchi.

«Aston Villa» yarim himoyachi uchun taxminan 85 million funt sterling so‘raydi.

Daily Mail xabariga ko‘ra, ayni paytda terma jamoa lagerida bo‘lgan «kanonirlar» yarim himoyachisi Deklan Rays Morgani London klubiga o‘tishga ko‘ndiryapti. Birmingemliklar moliyaviy feyr-pley talablariga rioya qilish uchun futbolchilarni sotishga majbur. Shunday bo‘lsa-da, Rojersning uzoq muddatli shartnomasi «Villa»ning muzokaralardagi mavqeini kuchaytiradi.

APLning yakunlangan mavsumida Rojers 37 ta o‘yinda maydonga tushib, 10 ta gol urdi va 6 ta samarali uzatmani amalga oshirdi.