2026 yilgi jahon chempionati G guruhi 2-turi doirasidagi Yangi Zelandiya va Misr terma jamoalari o‘rtasidagi o‘yin o‘z nihoyasiga yetdi. O‘yin Kanadaning Vankuver shahridagi «Bi-Si Pleys» stadionida bo‘lib o‘tdi. Bosh hakam sifatida Umar Al-Ali (BAA) ishladi. Uchrashuv Misrning 3:1 hisobidagi g‘alabasi bilan yakunlandi.
Birinchi bo‘limda yagona golni Yangi Zelandiya terma jamoasi kiritdi, uning muallifi Finn Syorman bo‘ldi. Ikkinchi bo‘limning 59-daqiqasida Misr hisobni tenglashtirdi: raqib darvozasini Mostafa Ziko ishg‘ol qildi. 67-daqiqada misrliklar Muhammad Salohning goli evaziga oldinga chiqib olishdi. 82-daqiqada esa Misr ustunligini mustahkamladi: uchinchi golni Trezege urdi, unga esa Saloh assistentlik qildi.
G guruhining 1-turida Yangi Zelandiya Eron bilan durang (2:2) o‘ynagan bo‘lsa, Misr Belgiyadan ochko tortib olgandi (1:1). Guruh bosqichining so‘nggi 3-turida yangi zelandiyaliklar belgiyaliklar bilan (27 iyun), misrliklar esa eronliklar bilan (27 iyun) uchrashadi.
