2026 йилги жаҳон чемпионати G гуруҳи 2-тури доирасидаги Янги Зеландия ва Миср терма жамоалари ўртасидаги ўйин ўз ниҳоясига етди. Ўйин Канаданинг Ванкувер шаҳридаги «Би-Си Плэйс» стадионида бўлиб ўтди. Бош ҳакам сифатида Умар Ал-Али (БАА) ишлади. Учрашув Мисрнинг 3:1 ҳисобидаги ғалабаси билан якунланди.
Биринчи бўлимда ягона голни Янги Зеландия терма жамоаси киритди, унинг муаллифи Финн Сёрман бўлди. Иккинчи бўлимнинг 59-дақиқасида Миср ҳисобни тенглаштирди: рақиб дарвозасини Мостафа Зико ишғол қилди. 67-дақиқада мисрликлар Муҳаммад Салоҳнинг голи эвазига олдинга чиқиб олишди. 82-дақиқада эса Миср устунлигини мустаҳкамлади: учинчи голни Трезеге урди, унга эса Салоҳ ассистентлик қилди.
G гуруҳининг 1-турида Янги Зеландия Эрон билан дуранг (2:2) ўйнаган бўлса, Миср Бельгиядан очко тортиб олганди (1:1). Гуруҳ босқичининг сўнгги 3-турида янги зеландияликлар бельгияликлар билан (27 июнь), мисрликлар эса эронликлар билан (27 июнь) учрашади.
