Afsonaviy tennischi Rafael Nadalning sobiq murabbiyi va amakisi Toni Nadal jahon chempioni, argentinalik futbolchi Lionel Messi haqida o‘z fikrlari bilan o‘rtoqlashdi.

«Menga uning shunchaki mehnatsevarligi emas, balki o‘ziga nisbatan talabchanligi yoqadi. Bu ikki tushunchani ajrataman. Mehnat qilish ko‘proq jismoniy jihat bilan bog‘liq bo‘lsa, talabchanlik ruhiy holatga taalluqli.

Messi ushbu jahon chempionatining dastlabki o‘yinlarida yana bir bor shuni ko‘rsatdiki, ko‘pchilik nisbatan kuchsizroq deb hisoblaydigan ligada ikki yil o‘tkazganidan keyin ham u ajralib turish istagini yo‘qotmagan. Bejizga u shuncha yillar davomida turli sport turlaridagi eng katta yulduzlardan biri bo‘lib qolmayapti.

U yana kim ekanini isbotladi: fenomen va hatto ikki metr bo‘sh hudud qoldirish mumkin bo‘lmagan futbolchi. Unda hali ham g‘alabaga chanqoqlik va o‘z ishiga to‘liq berilganlik bor.

Menimcha, aynan shu jihatdan u Rafael Nadalga o‘xshaydi. Ikkalasi ham muxlislariga, o‘z terma jamoasiga, mamlakatiga va sportga sodiq. Menimcha, bu katta hurmatga loyiq fazilat», — dedi Toni Nadal ESPN nashriga bergan intervyusida.

Eslatib o‘tamiz, Lionel Messi 2026 yilgi jahon chempionatini sermahsul boshladi. Argentina terma jamoasi sardori Jazoirga qarshi uchrashuvda xet-trik qayd etgan edi.