Афсонавий теннисчи Рафаэль Надалнинг собиқ мураббийи ва амакиси Тони Надаль жаҳон чемпиони, аргентиналик футболчи Лионель Месси ҳақида ўз фикрлари билан ўртоқлашди.

«Менга унинг шунчаки меҳнатсеварлиги эмас, балки ўзига нисбатан талабчанлиги ёқади. Бу икки тушунчани ажратаман. Меҳнат қилиш кўпроқ жисмоний жиҳат билан боғлиқ бўлса, талабчанлик руҳий ҳолатга тааллуқли.

Месси ушбу жаҳон чемпионатининг дастлабки ўйинларида яна бир бор шуни кўрсатдики, кўпчилик нисбатан кучсизроқ деб ҳисоблайдиган лигада икки йил ўтказганидан кейин ҳам у ажралиб туриш истагини йўқотмаган. Бежизга у шунча йиллар давомида турли спорт турларидаги энг катта юлдузлардан бири бўлиб қолмаяпти.

У яна ким эканини исботлади: феномен ва ҳатто икки метр бўш ҳудуд қолдириш мумкин бўлмаган футболчи. Унда ҳали ҳам ғалабага чанқоқлик ва ўз ишига тўлиқ берилганлик бор.

Менимча, айнан шу жиҳатдан у Рафаэль Надалга ўхшайди. Иккаласи ҳам мухлисларига, ўз терма жамоасига, мамлакатига ва спортга содиқ. Менимча, бу катта ҳурматга лойиқ фазилат», — деди Тони Надаль ESPN нашрига берган интервьюсида.

Эслатиб ўтамиз, Лионель Месси 2026 йилги жаҳон чемпионатини сермаҳсул бошлади. Аргентина терма жамоаси сардори Жазоирга қарши учрашувда хет-трик қайд этган эди.