«Nyukasl»ning italiyalik yarim himoyachisi Sandro Tonali «Tottenxem»dan ko‘ra Londonning «Arsenal» klubiga ko‘chib o‘tishni afzal ko‘rmoqda. Bunday shov-shuvli xabarni Buyuk Britaniyaning mashhur Daily Mail Sport nashri tarqatdi.
Manbaning xabariga ko‘ra, yaqin vaqt ichida Angliyaning amaldagi chempioni 26 yoshli futbolchiga bo‘lgan qiziqishini yanada kuchaytirishi mumkin. Shu bilan birga, «Tottenxem» Tonali transferi bo‘yicha «Nyukasl» bilan muzokaralarni davom ettirmoqda, «Manchester Siti» esa voqealar rivojini kuzatib boryapti.
Yakunlangan mavsumda Tonali «Nyukasl» tarkibida barcha turnirlarda 53 ta o‘yinda maydonga tushib, 3 ta gol va 7 ta golli uzatmaga mualliflik qildi.
