«Ньюкасл»нинг италиялик ярим ҳимоячиси Сандро Тонали «Тоттенхэм»дан кўра Лондоннинг «Арсенал» клубига кўчиб ўтишни афзал кўрмоқда. Бундай шов-шувли хабарни Буюк Британиянинг машҳур Daily Mail Sport нашри тарқатди.

Манбанинг хабарига кўра, яқин вақт ичида Англиянинг амалдаги чемпиони 26 ёшли футболчига бўлган қизиқишини янада кучайтириши мумкин. Шу билан бирга, «Тоттенхэм» Тонали трансфери бўйича «Ньюкасл» билан музокараларни давом эттирмоқда, «Манчестер Сити» эса воқеалар ривожини кузатиб боряпти.

Якунланган мавсумда Тонали «Ньюкасл» таркибида барча турнирларда 53 та ўйинда майдонга тушиб, 3 та гол ва 7 та голли узатмага муаллифлик қилди.