«Manchester Siti» «Chelsi»ning o‘ng qanot himoyachisi Malo Gyustoga qiziqish bildirmoqda, deb xabar beradi jurnalist Ben Jeykobs.
«Shaharliklar» o‘z tarkibini kuchaytirishni xohlashmoqda va bir nechta nomzodlarni ko‘rib chiqishyapti. «Nyukasl» himoyachisi Valentino Livramento – da’vogarlar ro‘yxatidagi yana bir futbolchidir.
«Chelsi» Gyustoni 45 million funtdan ko‘proqqa baholamoqda. Fransiyalik futbolchining amaldagi shartnomasi 2030 yilga qadar mo‘ljallangan.
Joriy yozda 23 yoshli futbolchining sotib yuborilishi istisno etilmaydi, ayniqsa «Atalanta»dan Marko Palestraning transferi rejalashtirilayotganidan keyin.
