«Манчестер Сити» «Челси»нинг ўнг қанот ҳимоячиси Мало Гюстога қизиқиш билдирмоқда, деб хабар беради журналист Бен Жейкобс.
«Шаҳарликлар» ўз таркибини кучайтиришни хоҳлашмоқда ва бир нечта номзодларни кўриб чиқишяпти. «Ньюкасл» ҳимоячиси Валентино Ливраменто – даъвогарлар рўйхатидаги яна бир футболчидир.
«Челси» Гюстони 45 миллион фунтдан кўпроққа баҳоламоқда. Франциялик футболчининг амалдаги шартномаси 2030 йилга қадар мўлжалланган.
Жорий ёзда 23 ёшли футболчининг сотиб юборилиши истисно этилмайди, айниқса «Аталанта»дан Марко Палестранинг трансфери режалаштирилаётганидан кейин.
