Madridning «Real» klubi va Angliya terma jamoasi yarim himoyachisi Jud Bellingem o‘zining klubdoshi hamda Fransiya terma jamoasi hujumchisi Kilian Mbappe haqida fikr bildirdi.

Jurnalistlarning Mbappening jahon chempionatlaridagi natijalari haqidagi savoliga ingliz futbolchisi qisqacha javob berdi: «U eng zo‘ri».

Mbappe ketma-ket ikkita o‘yinda dubl qayd etdi. Avvaliga u Senegal terma jamoasiga ikkita gol urdi, keyin esa Iroq jamoasi darvozasiga ham shuncha to‘p kiritdi. Fransuzlar ikkala o‘yinda ham mos ravishda 3:1 va 3:0 hisobida g‘alaba qozonib, pley-off bosqichi yo‘llanmasini muddatidan oldin naqd qilishdi.

Xuddi shunday natijalarni norvegiyalik Erling Xoland ham namoyish etmoqda. So‘nggi turda Fransiya va Norvegiya bir-birlariga qarshi maydonga tushishadi.