Мадриднинг «Реал» клуби ва Англия терма жамоаси ярим ҳимоячиси Жуд Беллингем ўзининг клубдоши ҳамда Франция терма жамоаси ҳужумчиси Килиан Мбаппе ҳақида фикр билдирди.
Журналистларнинг Мбаппенинг жаҳон чемпионатларидаги натижалари ҳақидаги саволига инглиз футболчиси қисқача жавоб берди: «У энг зўри».
Мбаппе кетма-кет иккита ўйинда дубль қайд этди. Аввалига у Сенегал терма жамоасига иккита гол урди, кейин эса Ироқ жамоаси дарвозасига ҳам шунча тўп киритди. Французлар иккала ўйинда ҳам мос равишда 3:1 ва 3:0 ҳисобида ғалаба қозониб, плей-офф босқичи йўлланмасини муддатидан олдин нақд қилишди.
Худди шундай натижаларни норвегиялик Эрлинг Холанд ҳам намойиш этмоқда. Сўнгги турда Франция ва Норвегия бир-бирларига қарши майдонга тушишади.
