Qozog‘iston milliy terma jamoasining sobiq futbolchisi Pavel Yevteev Sports.kz nashriga bergan intervyusida JCH-2026 guruh bosqichidan o‘rin olgan Portugaliya — O‘zbekiston (5:0) uchrashuvi haqida fikr bildirdi.
— Terma jamoalarning tarkibi va saviyasi o‘zaro taqqoslab bo‘lmaydigan darajada edi. Portugaliya so‘nggi yillarda Yevropaning yetakchi terma jamoalaridan biri bo‘lib kelmoqda va ularning O‘zbekiston ustidan qozongan g‘alabasi qonuniy natija bo‘ldi. Krishtianu Ronalduning tezkor goli o‘yin taqdirini oldindan hal qildi.
Shu bilan birga, O‘zbekiston hali ham pley-off bosqichiga chiqish imkoniyatini saqlab turibdi. Buning uchun Kongo DR ustidan g‘alaba qozonish va boshqa guruhlarda kerakli natijalar qayd etilishi lozim. O‘zbekiston terma jamoasini 1/16 finalda ham ko‘ramiz degan umiddaman, — dedi mutaxassis.
Eslatib o‘tamiz, ikki turdan keyin Portugaliya hisobida 4 ochko mavjud bo‘lsa, O‘zbekiston hali ochko jamg‘armagan.
Guruh bosqichining hal qiluvchi uchrashuvlari 28 iyun kuni bo‘lib o‘tadi. O‘zbekiston Kongo DRga qarshi maydonga tushadi, Portugaliya esa Kolumbiya bilan kuch sinashadi. Ikkala uchrashuv ham Toshkent vaqti bilan soat 14:30 da boshlanadi.













