"Liverpul" klubi sobiq bosh murabbiyi Yurgen Klopp kelajakda yana biror bir futbol jamoasini boshqarishi mumkinligini istisno qilmadi.

Gazzetta dello Sport nashriga bergan intervyusida germaniyalik mutaxassisdan Madridning "Real" klubida ishlash imkoniyatini hech ko‘rib chiqqan-chiqmagani haqida so‘rashdi. Klopp esa to‘g‘ri javob berishdan qochdi.

"Agar hozir bu savolga javob bersam, bundan oldin aytgan barcha gaplarim shunchaki yo‘qqa chiqadi. U yerda Joze bor — va bu normal holat. Shu sababli, izohsiz", — deya ma’lum qildi Klopp.

Shu bilan birga, 59 yoshli nemis mutaxassisi murabbiylik faoliyati bilan uzil-kesil xayrlashmaganiga shama qilib o‘tdi.

"Men har kuni sport zalida mashg‘ulot o‘tamoqdaman... Agar jiddiy gapiradigan bo‘lsak, ko‘ramiz", — dedi Klopp murabbiylik o‘rindig‘iga qaytishi mumkinligi haqidagi savolga javob berar ekan.

Hozirgi vaqtda mutaxassis "Red Bull" korporasiyasining futbol tizimi rahbari lavozimida faoliyat yuritmoqda.