"Ливерпуль" клуби собиқ бош мураббийи Юрген Клопп келажакда яна бирор бир футбол жамоасини бошқариши мумкинлигини истисно қилмади.
Gazzetta dello Sport нашрига берган интервьюсида германиялик мутахассисдан Мадриднинг "Реал" клубида ишлаш имкониятини ҳеч кўриб чиққан-чиқмагани ҳақида сўрашди. Клопп эса тўғри жавоб беришдан қочди.
"Агар ҳозир бу саволга жавоб берсам, бундан олдин айтган барча гапларим шунчаки йўққа чиқади. У ерда Жозе бор — ва бу нормал ҳолат. Шу сабабли, изоҳсиз", — дея маълум қилди Клопп.
Шу билан бирга, 59 ёшли немис мутахассиси мураббийлик фаолияти билан узил-кесил хайрлашмаганига шама қилиб ўтди.
"Мен ҳар куни спорт залида машғулот ўтамоқдаман... Агар жиддий гапирадиган бўлсак, кўрамиз", — деди Клопп мураббийлик ўриндиғига қайтиши мумкинлиги ҳақидаги саволга жавоб берар экан.
Ҳозирги вақтда мутахассис "Red Bull" корпорациясининг футбол тизими раҳбари лавозимида фаолият юритмоқда.
