"Inter" klubining sobiq a’zosi, yaponiyalik Yuto Nagatomo Yaponiya terma jamoasining Shvesiyaga qarshi o‘yinida maydonga tushdi va shu tariqa osiyolik futbolchilar uchun Jahon chempionatlaridagi yangi rekordni o‘rnatdi.
Gap shundaki, bu u uchun dunyoning eng yirik futbol forumidagi beshinchi ishtirokdir. Nagatomo — naqd beshta Jahon chempionatida to‘p surgan ilk osiyolik futbolchiga aylandi. Umuman olganda ham, bunday natijaga erishgan futbolchilar dunyoda juda barmoq bilan sanarli.
Eslatib o‘tamiz, yaponiyalik himoyachi Jahon chempionatidagi debyutini 2010 yili Janubiy Afrika Respublikasi mezbonlik qilgan turnirda nishonlagan edi. Ma’lumot uchun, Yaponiya terma jamoasi o‘z tarixida — oltinchi bor Jahon chempionatining pley-off bosqichi yo‘llanmasini qo‘lga kiritdi.
