Germaniya terma jamoasi guruh bosqichining uchinchi turidan o‘rin olgan Ekvadorga qarshi o‘yinda raqibga amalda g‘alabani sovg‘a qildi. Hatto nemislar maydonga tushirgan tarkib ham ularning bor kuchlari bilan o‘ynamoqchi emasliklariga shama qilib turardi. Ushbu tarkibning o‘rtacha yoshi 30 yosh-u 170 kunni tashkil etdi va bu — Germaniya terma jamoasining 21-asrda Jahon chempionatlaridagi eng yoshi katta tarkibi bo‘ldi.
Bundan ham yoshi kattaroq tarkibni nemislar oxirgi marta 1998 yilda, Fransiyadagi Jahon chempionatining chorak finalida Xorvatiyaga qarshi bahsda maydonga tushirishgan edi. O‘shanda xorvatlar ularni 3:0 hisobida mag‘lub etgandi.
