Ivan Yurich «Monsa» klubi bosh murabbiyi lavozimiga tayinlandi. 50 yoshli mutaxassis ushbu lavozimda Paolo Byankoning o‘rnini egalladi.

Keyingi mavsumda «Monsa» Italiya A Seriyasida ishtirok etadi. Jamoa V Seriyada o‘tkazilgan bir mavsumdan so‘ng yana yuqori divizionga qaytishga muvaffaq bo‘ldi.

Ma’lumot uchun, Yurich bundan avval «Atalanta» klubini boshqargan edi. U Bergamo jamoasi boshqaruvida 2025 yilning iyun oyidan noyabr oyiga qadar faoliyat yuritib, ushbu vaqt ichida atigi 15 ta o‘yin o‘tkazishga ulgurgan (4 ta g‘alaba, 8 ta durang va 3 ta mag‘lubiyat).