Иван Юрич «Монца» клуби бош мураббийи лавозимига тайинланди. 50 ёшли мутахассис ушбу лавозимда Паоло Бьянконинг ўрнини эгаллади.

Кейинги мавсумда «Монца» Италия А Сериясида иштирок этади. Жамоа В Серияда ўтказилган бир мавсумдан сўнг яна юқори дивизионга қайтишга муваффақ бўлди.

Маълумот учун, Юрич бундан аввал «Аталанта» клубини бошқарган эди. У Бергамо жамоаси бошқарувида 2025 йилнинг июнь ойидан ноябрь ойига қадар фаолият юритиб, ушбу вақт ичида атиги 15 та ўйин ўтказишга улгурган (4 та ғалаба, 8 та дуранг ва 3 та мағлубият).