«Yuventus» bosh direktori Jovanni Karnevali hujumchi sotib olinishi mumkinligi borasida o‘z fikrlarini bildirdi. Turin klubi Randal Kolo-Muanini o‘z safiga qo‘shib olish ustida ish olib bormoqda.

«Biz Randal Kolo-Muani borasida «PSJ» bilan muzokaralar olib boryapmiz va Fransiya klubi bilan to‘g‘ridan-to‘g‘ri aloqalarni qayta tikladik. Bunday kelishuvlarni amalga oshirish har doim murakkab bo‘lgan, ammo biz buning ustida ishlayapmiz», — deya Karnevalining so‘zlarini keltiradi The Touchline nashri.

Eslatib o‘tamiz, Randal Kolo-Muani 2024/2025 yilgi mavsumning ikkinchi yarmida «Yuventus» safida ijara asosida to‘p surgan edi. Yakunlangan o‘tgan mavsumni esa hujumchi «Tottenxem» klubida ijarada o‘tkazdi.

Nufuzli Transfermarkt portali 27 yoshli Kolo-Muanining transfer bahosini 20 million yevroga baholamoqda.