Shveysariyalik darvozabon Yann Zommer endi Milanning «Inter» klubi darvozaboni hisoblanmaydi. «Neradzurri» matbuot xizmati xabar berishicha, 37 yoshli golkiper mehnat shartnomasi muddati tugagani sababli jamoani tark etdi.

Eslatib o‘tamiz, tajribali shveysariyalik 2023 yilning yozidan buyon Italiya grandi sharafini himoya qilib kelayotgan edi.

A Seriyaning yakunlangan mavsumida Zommer «Inter» tarkibida 33 ta o‘yin o‘tkazdi. Darvozabon 31 ta gol o‘tkazib yubordi, 15 ta uchrashuvda esa o‘z darvozasi daxlsizligini saqlab qoldi.

2025/26 yilgi mavsum yakunlariga ko‘ra, Milanning top-klubi eng yaqin ta’qibchisini 11 ochkoga ortda qoldirib, Italiya chempioniga aylandi. Shuningdek, «Inter» mamlakat kubogi sohibiga ham aylandi.