Швейцариялик дарвозабон Янн Зоммер энди Миланнинг «Интер» клуби дарвозабони ҳисобланмайди. «Нерадзурри» матбуот хизмати хабар беришича, 37 ёшли голкипер меҳнат шартномаси муддати тугагани сабабли жамоани тарк этди.

Эслатиб ўтамиз, тажрибали швейцариялик 2023 йилнинг ёзидан буён Италия гранди шарафини ҳимоя қилиб келаётган эди.

А Сериянинг якунланган мавсумида Зоммер «Интер» таркибида 33 та ўйин ўтказди. Дарвозабон 31 та гол ўтказиб юборди, 15 та учрашувда эса ўз дарвозаси дахлсизлигини сақлаб қолди.

2025/26 йилги мавсум якунларига кўра, Миланнинг топ-клуби энг яқин таъқибчисини 11 очкога ортда қолдириб, Италия чемпионига айланди. Шунингдек, «Интер» мамлакат кубоги соҳибига ҳам айланди.