Niderlandiya terma jamoasi himoyachisi Jan-Pol van Xekke jahon chempionati 1/16 finalida Marokashdan uchralgan mag‘lubiyat (1:1, penaltilar bo‘yicha — 2:3) haqida o‘z fikrlarini bildirdi.
«Keskin uchrashuv bo‘ldi. Juda ham hafsalam pir bo‘ldi. Biz qattiq harakat qildik va bor kuchimizni berdik. Ammo bu yetarli bo‘lmadi. Bundan alamliroq bo‘lishi mumkin emas. Bu juda og‘ir.
Oxirigacha kurashdik. Bu butun mamlakat va jamoa uchun og‘riqli vaziyat. Hozir uydagi odamlar nimani his qilayotganini tasavvur ham qilolmayman. Men faqat uzr so‘rashim mumkin.
Menimcha, overtaymgacha hisobni ushlab qola olamiz degan tuyg‘u bor edi. Ammo ular gol urishganida, kuchimiz tugab qoldi. Penaltilar seriyasida esa vaziyat istalgan tomonga o‘zgarib ketishi mumkin edi.
Kiyinish xonasida sukut hukmron edi. Har bir futbolchining o‘z orzusi bor edi, shuning uchun bu jarohat hali uzoq vaqt bitmaydi», — dedi Jan-Pol van Xekke.
