Нидерландия терма жамоаси ҳимоячиси Жан-Поль ван Хекке жаҳон чемпионати 1/16 финалида Марокашдан учралган мағлубият (1:1, пенальтилар бўйича — 2:3) ҳақида ўз фикрларини билдирди.

«Кескин учрашув бўлди. Жуда ҳам ҳафсалам пир бўлди. Биз қаттиқ ҳаракат қилдик ва бор кучимизни бердик. Аммо бу етарли бўлмади. Бундан аламлироқ бўлиши мумкин эмас. Бу жуда оғир.

Охиригача курашдик. Бу бутун мамлакат ва жамоа учун оғриқли вазият. Ҳозир уйдаги одамлар нимани ҳис қилаётганини тасаввур ҳам қилолмайман. Мен фақат узр сўрашим мумкин.

Менимча, овертаймгача ҳисобни ушлаб қола оламиз деган туйғу бор эди. Аммо улар гол уришганида, кучимиз тугаб қолди. Пенальтилар сериясида эса вазият исталган томонга ўзгариб кетиши мумкин эди.

Кийиниш хонасида сукут ҳукмрон эди. Ҳар бир футболчининг ўз орзуси бор эди, шунинг учун бу жароҳат ҳали узоқ вақт битмайди», — деди Жан-Поль ван Хекке.