«Tottenxem» darvozabon Antonin Kinski bilan shartnoma uzaytirilganini e’lon qildi. Bu haqda London klubining rasmiy saytida ma’lum qilingan.
«Men juda baxtliman va klub tomonidan ishonchni his qilyapman. Bundan bir yarim yil avval shu yerga kelganimda, maqsadim tarkibdan joy egallash va har hafta maydonga tushish edi. Barchamiz muvaffaqiyatli mavsum o‘tkaza olishimizga ishonamiz va men jamoa muvaffaqiyatlariga o‘z hissamni qo‘shmoqchiman», — dedi darvozabon.
23 yoshli golkiper ingliz klubiga 2025 yilning yanvarida Praganing «Slaviya» jamoasidan o‘tgan edi. U London klubi safida umumiy hisobda 20 ta o‘yin o‘tkazib, ularning oltitasida o‘z darvozasi daxlsizligini saqlab qoldi.
