Meksika terma jamoasining JCH-2026 1/16 finalida Ekvador ustidan qozongan g‘alabasidan so‘ng Mexikoda bo‘lib o‘tgan ommaviy sayillar paytida ikki kishi vafot etdi. Bu haqda poytaxt Sog‘liqni saqlash vazirligi xabar berdi.
Vazirlik ma’lumotlariga ko‘ra, 44 yoshli erkak va 19 yoshli qiz fojia qurboniga aylangan. O‘limga nafas qisilishi (bo‘g‘ilish) sabab bo‘lgan. Shifokorlar reanimasiya muolajalarini olib borishgan, biroq jabrlanuvchilarning hayotini saqlab qolishning imkoni bo‘lmagan.
Meksika terma jamoasi Ekvadorni 2:0 hisobida mag‘lub etdi va 1986 yildan beri ilk bor pley-offning birinchi bosqichidan o‘ta oldi. Jahon chempionati mezbonlari 1/8 finalda Angliya — DR Kongo juftligi g‘olibi bilan to‘qnash kelishadi.
