Yaponiya terma jamoasi va SSKAning sobiq yarim himoyachisi Keysuke Xonda milliy jamoa bosh murabbiyi Hajime Moriyasuga shartnomani yana bir yilga uzaytirish taklif qilingani haqidagi xabarga munosabat bildirdi.
Eslatib o‘tamiz, Yaponiya terma jamoasi Jahon chempionati–2026 1/16 finalida Braziliyaga 1:2 hisobida mag‘lub bo‘lib, musobaqa bilan xayrlashgan edi.
Xonda ijtimoiy tarmoqdagi sahifasida quyidagi fikrni qoldirdi:
«Bu borada turli fikrlar bo‘lishi mumkin, ammo baribir o‘z munosabatimni bildirmoqchiman. Hajime Moriyasuga shartnomani yana bir yilga uzaytirish taklif qilingani haqidagi xabarni ko‘rdim. Agar bu faqat keyingi bosh murabbiyga munosib nomzod topilmayotgani uchun vaqtinchalik qaror bo‘lsa, unda meni bir yilga sinab ko‘ringlar. Agar Osiyo kubogida muvaffaqiyatsiz ishtirok etsak, hech qanday bahonasiz meni ishdan bo‘shatinglar. Men bu chaqiriqni qabul qilishga tayyorman».













